24. urtemugako ospakizunak dituzte gaur.
Mende laurdena betetzeko urtebete bakarrik falta zaio Elorrioko Gaztetxeari, 24 egin berri ditu-eta. Sasoi hartan hasitako bidea gogora ekarriz, egun osorako ekitaldiak prestatu dituzte biharko. Gure ametsak dirauen bitartean, zuenak egin du! lemapean elkartuko dira gazteak, 12:30etik aurrera.
Harreraren ondoren trikipoteoan irtengo dute, eta 14:30ean omenaldirako tartea hartuko dute. 15:00etan jesarriko dira bazkaltzeko, eta arratsaldean familia argazkia aterako dute. Iluntzetik aurrera, musikak hartuko du protagonismo nagusia Elorrion. Gaueko kontzertuen atariko legez, Anttonek akustikoa eskainiko du 19:00etan; ondoren, 22:30ean hasita joko dute Fiachras, Vomito eta Izargi taldeek.