Otsailaren 7rako, animalien ordenantzaren gaineko bigarren batzar informatibo eta parte-hartzailea deitu du Elorrioko Bilduk. Arriola kultur aretoan ipini dute zita, 19:30ean.
Zehazki, txakurren atala aztertuko dute, “kalean kexa eta kezka gehien sortzen duen gaia delako”. Kezka horregatik diote gaia parte-hartzearen bitartez landu behar dela; azaroan egin zuten lehenengo batzarra, herritarren iritziak jasoz. Martitzenean ordenantzarako proposamen bat eroango dute, eta azken ekarpenak ere jasoko dituzte.