Argiñetako nekropoliaren ikerketa arkeologikoa egin ahal izateko diru-laguntza bertan behera gelditu da, EAJk dioenez, “aurreko gobernu taldeak ez dituelako Aldundiak eskatutako dokumentu guztiak aurkeztu”.
Diru-laguntza, gehienez, 30.000 eurokoa da. Joseba Mujika alkateordeak adierazi duenez, “Aldundiak eskatutakoa ez bidaltzean, eskaera baloratu ere ez dute egin”. Niko Moreno alkate ohiak adierazi duenez, “eskatzekotan erantzukizun administratiboak eskatu beharko dituzte, ez politikoak”. Proiektu honen bultzatzaile izan direla-eta, aurrera irtetzeko lehenengo interesatuak eurak dira, Morenoren berbetan. Errekurtsoa jartzea aztertzen dabil udala, baina gaitza izango dela diote: “Posible da urtebetean gelditu eta datorren urteko laguntzagaz indusketek jarraitzea”.