Kainabera gobernuz kanpoko erakundeak antolatutako Elkartasun Jaialdian, 1.565 euro batu dituzte. Nikaraguako Mozonte herrian etxe duinak eraikitzeko proiektura bideratuko da diru hori. Jaialdian parte hartu zuten guztiei eta bertaratu zirenei eskerrak eman gura izan dizkie Kainaberak.
Arriola antzokiak hartutako Elkartasun Jaialdian Elorrioko ikastetxeek, koruek, musika eskolak, dantza eskolak eta abeslariek parte hartu zuten eta antolatzaileek izandako arrakasta nabarmendu dute.
Mozonte eta inguruetako herrixketako arazo handienetakoa Chagas
gaixotasuna da; etxeetako hormetako arrakaletan bizi den zomorro bat da
sorburua. Jente asko kutsatzen ei du gaixotasun larri horrek. “Nerbio
sisteman, bihotzean eta liseriketa aparatuan eragiten du, eta
tratamendurik barik hilkorra izan liteke”, Kainaberakoek azaldu
dutenez: “Sufritzen dutenak behartsuak direnez, enpresa farmazeutikoek
ez diete garrantzirik emoten”.
Etxe bakotxa, 3.600 euro
Osasunerako
kaltegarri diren beste faktore batzuk ere badira Mozonten: tximinirik
bako ezkaratzak, desnutrizioa, familia handiak espazio txikian… Horren
aurrean, Kainaberaren bitartez, etxe “duinak” egiteko egitasmoa abiatu
dute, apurka-apurka aurrera doana. Udalak ere bertan etxe bi egiteko diru-laguntza eman du orain dela denpora gutxi.