Emakumeak Elorrioko Historian ikerketa beka sortu du Udaleko Emakume eta Gizonen Berdintasunerako Zerbitzuak, Elorrioko emakumeek historian zehar herriari egindako ekarpenak plazaratzeko helburuarekin.
Gehienez, sei hilabeteko iraupena izango du, epaimahaiak horrela iritzita hiru hilabetez luzatu dezakeen arren. Beka hartzen duenak 4.000 euroko laguntza izango du horretarako.