Jai eta aldarrikapen eguna izan dute, beste behin, Txantxibiri kalekoek

Azken urte bietako aldarrikapenari eutsi diote aurten ere Txantxibiri kalean. Kalearen “inaugurazioa” egin dute berriro auzokoek, eta hori konpontzeko hobetze lanak eskatu dituzte.

Hori bai, jai giroan. Txistularien kalejira eta musikak girotutako poteoa ez eze, bazkaltzeko elkartu ziren bertako bizilagunak. Arratsaldean, berriz, umeentzako jolasak, bertsoak, kantu-triki-kopla-poteoa eta erromeria ere izan zituzten zapatuan. Suzko zezenak ere irten zuen.