Hala ere, Udalak eman dio Agustin de la Breña arkitektoari inguru hori urbanizatzeko egitasmoa prestatzeko ardura. Hile bi inguruan prest izatea aurreikusi dute, eta lanak hasita hiru hilean amaitzea. Auzokoekin ere berba egin gura dute.Urriaren 4a jai eguna izango dute, beraz, oraingoan ere Txantxibiri kalean. Txistulariak, poteoa eta musika izango dira goizean zehar, eta 14:00etan kalearen “inaugurazio” ekitaldirako galaz jantzita elkartuko dira auzokoak. Trikiti doinuek girotuko dute ekitaldia, eta aurreskua ez eze famili argazkia egiteko ere aprobetxatuko dute. Jarraian, bazkaltzeko elkartuko dira kalean bertan. Etxetik eroan beharko dute lapikoa bazkaltiarrek; ardaoa eta mahai tresnak, berriz, antolatzaileek jarriko dituzte eskura. Musikak eta bertsoek berotuko dute giroa.
Jolasak eta erromeria
Umeentzako jolasak izango dira gero, eta,18:00etan bertsolariekin batera kantu-triki-kopla-poteoa. Arantxa eta Pantxoren eskutik erromeria hasiko dute 19:30ean, eta 21:30ean zezen suzkoak irtengo du.