Sakelako telefono-deien zerbitzuak ustiatzen dituzten enpresei tokiko jabari publikoaren erabilera pribatiboagatik edo aprobetxamendu bereziagatik ezarriko jaken tasa arautuko duen ordenantza onartu du, behin betiko, udalbatzarrak.
Argindar, gas natural edo telefonia finkoaren enpresa hornitzaileen irizpide berberen arabera ordainaraziko zaie, aurretik azaldu izan dutenez; herrian helbideratutako erabiltzaile bakoitzarekiko batez besteko etekinen arabera. Bizkaiko Aldizkari Ofizialean argitaratzearekin batera izango da indarrean araudia.