Herriko bide publiko guztien inbentarioa badauka dagoeneko Udalak, landa-bide, galtzada, burdinbide edo andabideak barne. Sendo S. L. enpresak izan du lau urteko “lan neketsuaren” ardura, eta herriarentzat “tresna oso garrantzitsua” bihurtuko ei da. Aho batez egin du hasierako onarpena udalbatzarrak.
Orain erakusketa publikorako egun eta epeak zehaztuko dituzte.
Bide bakoitzari dagokion fitxa sortu zaio (argazkia, bide mota, erabilera, nondik nora doan… zehaztuz). Inbentarioa herriari ezagutarazi gura zaio orain, batez ere, baserri auzoetan, akatsik badago zuzentzeko. Kontsulta-epe luzea aurreikusi dute.