Bi behargin larri daude erredurengatik. Leunketa lantokian bi elektrikari teilatuan ari ziren beharrean, eta txispa bat magnesio hautsaren gainera erortzean gertatu da eztanda.
Elorrioko Leunketa enpresan leherketa gertatu da gaur goizean eta, ondorioz, behargin bat hil egin da erredurengatik. Beste
lau langile zauritu egin dira erredurengatik. Haietako bi
larri daudela esan dute medikuek.
Ezbeharra goizeko 10:25ean gertatu da. Bi
elektrikari teilatuan ari ziren beharrean, eta txispa bat magnesio
hautsaren gainera erortzean gertatu da eztanda. Hil den langilea
elektrikarietako bat da.
Larri dauden bi beharginak Gurutzetako ospitalera eraman
dituzte, beste bat -eskuan erredurak dituena- Galdakaokora eta
bestea Elorrioko osasun zentroan bertan artatu dute. Azken honek zauri arinak ditu.
Suhiltzaileek ordu eta erdi behar izan dute sutea itzaltzeko. Hondarra
bota behar izan dute suaren gainera, magnesio hautsari ura ez
botatzearren, oso arriskutsua litzatekeelako. 11:20ak inguru
suhiltzaileek ia kontrolpean zuten sua.