Oihal bilketa egiteko edukiontzi bi jarri dituzte, herritarrek ehun-hondakinak eta erabilerarik bako arropak bertan utzi ditzaten: Nizeto Urkizuko aparkalekuan eta Esteibarlanda kalean, hain zuzen ere.
Azaldu dutenez, berriro erabili daitezken jantziak garbitu egiten dira eta, ondoren, pertsona behartsuei helarazten dizkie; Caritasek kudeatutako denden bitartez saldu ere egiten dira arropa horiek.
Ehun-hondakin soberakinak, berriz, oihalki bihurtzen dira eta berriro erabili; esaterako, garbiketa-zapiak egiteko. Zabortegietan utzitako hondakinen bolumena ere murrizten da honela, fabrikazioan aurreztuz —diotenez, horrek poluzio handia sortzen du—.