AHTak nekazariengan izango duen eragina salatu dute

Abiadura Handiko Trenak (AHT) Durangaldean –eta oro har Euskal Herrian– eragingo dituen “txikizioak” eta nekazaritza lur galera “izugarriak” salatu ditu EHNEk Ferixa Nausikoen barruan izandako Nekazaritza eta Ganadu Azokarekin bat eginda.

SOS Elorrio. Abeltzaintza arriskuan lelopean egin dute protesta. EHNEko Bizkaiko presidente Mikel Kormenzanak abeltzain eta baserritar askoren etorkizuna jarriko duela arriskuan AHTak nabarmendu du.

Desjabetze-prozesua hasita alegazioak egiteko epea abuztuan hastea salatu du EHNEk, eta kaltetu zuzena den Aitor Solozabal abeltzain elorriarrak ere bai: “Ez da kasualitatea izan. Eragina itzela izango da, badago ustiapena itxi beharrean izango den abeltzainik”.