Gaur goizean egindako osoko bilkuran Hiri-ordenaziorako Plan Orokorra behin-behinean onartu du Udalak. Plan orokorrari egindako alegazioak berriz, ez onartzea erabaki dute.
Udal-plangintzako aholku-batzordearen erreglamenduari ere behin betiko baiezkoa eman diote eta tartekatutako alegazioak atzera bota dituzte. Elorrioko Auzo Koordinakundeak Hirigintza Antolamendu Orokorraren planarekin aurrera ez jarraitzea eskatu du. Alternatiba aurkeztu dute:“hirigintza aholku batzordea berriz eratzea, baina oinarrizko ereduak jarraituz eta legeak agintzen duen bezala. herritarren parte-hartzea sustatuz”.
Iturri kultur etxerako barne araudia ere eztabaidatu dute udalbatzarrean. Udalak behin-behinean onartu du kultur etxe berriaren arautegia. Gaztetxeko kide batek udalbatzari zuzenduz adierazi duenez “ Udalaren jarrera lotsagarria da, arautegi hau inposaketa bat delako eta ez duelako gure hitza kontutan eduki. Gaineratu duenez, “gaztetxea defendatuko dugu inposaketa guztien gainetik”.