Abiadura Handiko Trenak (AHT) Elorrion izango duen eraginaren gaineko azalpenak emango ditu Elorrioko AHT Gelditu Elkarlanak, zapatuan, Arriola antzokian 11:00etan.
AHTarekin zer gertatzen den, nondik igaroko den, abeltzaintza eta nekazaritzarekin edota Udalaitzekin zer gertatuko den azalduko dute, jakitera eman dutenez. Instituzioen aldetik dagoen “isiltasuna” salatu dute eta “informazioa beharrean propaganda” zabaltzea. Informazioa batu dutela eta hori zabalduko dela diote, “berandu izan aurretik egitasmoa gelditzeko”.