Maria Bilbao Lejarzak 100 urte bete berri ditu eta horrekin bat eginda omenaldia egin dio Udalak.
Martxoaren 17an bete zuen mendea Bilbaok eta Elorrioko zahar-etxean bizi da 2003tik. Hantxe egin zioten omenaldia. Hiriko zilarrezko pin-a eta lore-sorta eman zizkion alkate Agustin Asuak; era berean, egoitzako arduradunek egun berezia antolatu zuten urteguna zela-eta. Zornotzan jaio zen Maria Bilbao 1907an, baina, gero senitartekoekin Elorrion bizi izan da urteetan.