Gazteriaren egoerari eta jarraitutako politikei buruzko —bereziki, gazteriarekin lotutako ekintza-lerro nagusiei buruz— hausnarketa epearen goren-maila dena onartu barri du udalbatzarrak: Gazte Plana II Jaurlaritzak bultzatutako egitasmoa da, foru aldundien babesarekin, eta bost alor nagusi batzen ditu: lana eta lan-munduratzea, enplegurako formazioa eta hezkuntza, etxebizitza, osasuna eta gizarte ekintza, eta, gazteen aisialdi eta kultura.
Finean, helburu-deklarazioa da eta horiek lortzeko lan-metodoa. Izan ere, ekintza-egitasmoetan oinarritu behar da: gazteengana modu eraginkorrean heltzen direnak izango dira; eta maiztasun batekin definitu, ebaluatu eta aztertzekoak.
Azaldu dutenez, gazteria “ondo definitutako etapa” da, “entitate propio eta bereiztua” daukana. “Gorabehera eta behar soziokultural zehatzak ditu; beraz, politika zehatzen beharra dago”.
Gazte Planak aurreikusi dituen ekintzak hainbat dira: lan-munduratzea bideratu eta enplegu kalitatea hobetu; lan bila diharduenentzako leihatila bakarra sortu, zerbitzu orientatzailea ez eze; eta gazte enplegua gehitu. Alokairua sustatuz etxebizitza lortzeko aukerak erraztea, babesekoen gaineko informazioa zabaltzea, asoziazionismoa eta euskararen erabilera bultzatzea…