EAJk aurkeztu du zerrenda-buru berria 2007an izango diren udal hauteskundeei begira: Ana Otadui Biteri izango da alkate-gai. Horrela jakin eragin dute Elorrioko EAJko Uri Batzarretik.
Zuzenbidean lizentziatua da Otadui eta Administrazio Publikoan egiten du lan, jakitera eman dutenez. Nabarmendu dutenez, bateraturiko aukera izan da alkate-gaiarena eta asanbladan parte hartu zuten afiliatu guztiek aho batez onartu zuten aukera.
Buelta bi izango dira Elorrioko EAJko barne hauteskundeen prozeduran. Lehenengoan zerrenda-burua proposatu dute, eta, bigarren batean, berriz, zehaztuko dute Otaduik nortzuk izango dituen kide datozen udal hauteskundeei begira.
“Profil egokia”
EAJko Uri Batzarrak zerrenda-buru izateko “profil egokia” zehaztea izan du lehenengo helburua, eta, bigarren maila batean, horrekin batera joango den “lan talde sendoa” eratzea, ohar baten bitartez azaldu duten moduan