Iturrizoro elkartearen eskutik XVII. Errebonbilo Margo Lehiaketa egingo da, domekan, Elorrion. Aire librean jardun beharko dute parte-hartzaileek, hiriko leku publikoetan, hain zuzen ere. Margoen gaia, berriz, hiribilduko leku ikusgarriak izango dira. Izen-ematea 09:00etatik 10:00etara bitartean izango da, Euskadiko Kutxako aretoan.
Oihalak eta paperak orduantxe zigilatuko dira, eta 14:30erako aurkeztu beharko dira. Sariak, berriz, egunean emango dituzte, 19:00etan. Irabazleak 600 euro lortuko ditu; 2.ak 400; eta, 3.ak 300 euro. Bestalde, herriko onenari 150 euro emango dizkie.
Aitatzekoa da domekatik eta azaroaren 12ra arte lan guztien erakusketa ere izango dela, Euskadiko Kutxako aretoan.