Berbarok, Taupak eta Durangoko Udalak egitasmo berri bat ipini dute martxan: Auzoko Elkarrizketa. Hizkuntza aniztasunaren inguruko gizarte elkarrizketa sustatzeko proiektua da, norbanakoak eta eragileak hizkuntza aniztasunaren inguruan hausnartzen ipini gura dituena. Euskara erdigunean kokatuta, ikuspuntuak partekatu eta etorkizunerako gakoak identifikatu gura dituzte. "Izan ere, jatorriari eta errealitate linguistikoari erreparatuta, inoiz baino Durango anitzagoa daukagu. Askotariko jatorria duten pertsonak bildu eta bakoitzaren bizipenak eta ikuspegiak elkarbanatzea da asmoa", zehaztu dute egitasmoaren bultzatzaileek.
Lan-saioa ekainaren 5ean egingo dute Kurutzesantun, 17:30etatik 20:00etara. Izen emateak orrialde honetan egin daitezke.