Sareren iritziz, erabakia Euskal Herritik "400 kilometrora" hartu da, "euskal espetxeetako profesionalek, presoen bilakaera hobekien ezagutzen dutenek, gradu progresioaren alde hartutako erabakiaren kontra eginda". Era berean, honako hau ere gaineratu du Sarek: "Zoritxarrez, Fiskaltzak erabaki bat hartzen du, ez irizpide juridikoetan oinarrituta, borondate politikoetan baizik. Eta, horrela, beste behin ere Saretik aldarrikatzen ari garen elkarbizitzarako bidea oztopatzen jarraitzen dute".
Antolakundeak zehaztu duenez, hirugarren gradurako progresioa Gurutz Agirresarobe, Itziar Alberdi eta Josu Narvaez euskal presoei errekurritu diete.