2024an, udalak zuhaitzen arriskuen azterketa bat egin zuen, udalerriko arboladiaren egoera ebaluatzeko eta arriskutsuak izan zitezkeen aleetan proba espezifikoak egiteko. Txosten tekniko bat osatu zuten eta hainbat esku-hartze proposatu zituzten herritarren segurtasuna bermatzeko asmoz.
Arrisku altutzat hartutako kasuetan jarduera azkarrak egin zituen udalak, hala nola Zumalakarregi kaleko taxi geltokiaren ondoko lizar handiaren mozketa, edota Zumar kaleko makal baten tala.
Beste jarduera batzuk irailean burutuko dira: udalak aurreratu duenez, zuhaitzetan euspen dinamiko ehunezkoak jartzea, zuhaitz batean euspen estatiko bat instalatzea, eta dagoeneko instalatutako euspenak berrikustea. Lan horiek zuhaitzetan aditua den enpresa batek burutuko ditu, eta guztira 7.250 euroko kostua izango dute.