Gaur goizean Durangoko ikastetxeetako ikasleak, irakasleak eta udal ordezkariak batu dira Udal Foroan elkarrekin hausnartu eta proposamenak partekatzeko. Udaletik esan dutenez, Durango herri jasangarri, inklusibo eta konprometituago bat eraikitzeko helburuarekin egin dute.
"Ikasleen lana eta helarazten diguten informazioa udalak egiten dituen jardueretarako beste baliabide bat dira. Oso positiboki baloratzen dugu ikasleen inplikazioa", esan du Mireia Elkoroiribe Durangoko alkateak.