Jardunaldia "giro hurbil" eta parte hartzailearekin egin zutela, eta ekitaldian 30 pertsona baino gehiago batu zirela azaldu du alderdi jeltzaleak. Besteak beste, honako gai hauek aletu zituzten hitz hartzeetan: gazteriaren arazoak, hezkuntza-gaiak, etxebizitza, herritarrekiko komunikazio eraginkor eta zuzena, eta sare sozialak. Azken hori dela eta, "alderdi batzuek adierazpen-askatasuna eskatzen dutela, baina, aldi berean, haientzat atsegina ez den edozein sinbologia baztertzen" dutela azpimarratu zuten.
Bittor Etxeguren Durangoko lehendakariak adierazi duenez, "ekitaldi hurbila eta aberasgarria izan zen" zapatukoa, "esperientzia eta gazteen ikuspegia batu" zituena. "Adineko pertsonek gazteen iritzia entzun ahal izan zuten, eta haiek ere kezka eta etorkizuneko ikuspegia dutela ikusi zuten", adierazi du Etxegurenek.