Berbarok bere helburu guztiak bete zituen: hogei hirukoterentzako lekua aurreikusi zuen, eta hogei talde lehiatu ziren elkarren kontra, guztiak. Bidean, abiapuntutik finalera arte, hainbat probari egin behar izan zieten aurre lehiakideek: geografia gaiak, kultura, Durangaldea, euskara eta memoria kontuak landu zituzten, besteak beste. Era berean, proba fisiko bati ere egin behar izan zioten aurre: parte hartzaileak hor ibili ziren karta-dorrerik handiena zeinek egingo lehiatzen. Azkenean, Kafezaleak hirukoteak irabazi zuen gala, eta talde horrek eraman zuen etxera Errigorako otzara. Kafezaleek duela urte bi ere irabazi zuten lehiaketa, Plateruenean bertan.