Urtarrilaren 6ra bitartean, Luis Ibañezek egindako Jaiotzen Ibilbidea egiteko aukera izango dute durangarrek zein bisitariek. Hamar jaiotza daude ikusgai herriko hainbat saltoki eta espaziotan. "Ibañezen sorkuntza bakoitza errealitatearekiko zehaztasunagatik eta leialtasunagatik nabarmentzen da, hilabeteetako artisau lanaren emaitza dira. Ibilbideak dioramak eta jaiotzak biltzen ditu, kontu handiz aukeratutako elementuekin eta ikuslea Gabonetako espiritu tradizionalera eramaten duen estetikarekin eginak", azaldu dute udal arduradunek.
Aurten, hainbat hamarkadatan jaiotzak sortzen eta sustatzen egindako lan "nekaezina" aitortu dio udalak Ibañezi. Omenaldia egin diote. "Bere ahalegina funtsezkoa izan da Gabonetako tradizio hau zaindu eta aberasteko, Durangorako erreferente kultural bihurtuz", nabarmendu dute udal arduradunek. Gogoratu dute, Ibañezen "konpromisori esker" sortu zela Jaiotzen Ibilbidea, eta eskerrak eman dizkiore herriko kultur ondareari egindako "ekarpen eskergagatik" eta "herriko txoko guztiak magiaz eta Gabonetako espirituaz"
betetzeko duen gaitasunagatik.