'Naturaren sekretua' dokumentala

Euskal Herriko Unibertsitateko Kultura Zientifikoko Katedrak egin eta José Antonio Pérez Ledok zuzendutako dokumentalak Pedro Miguel Etxenike katedradunaren bizitza, lana eta zientziaren inguruko hausnarketak biltzen ditu. Emanaldia amaitzean, Jone Guenetxea, Anboto aldizkariko zuzendariak gidatutako solasaldian parte hartuko du fisikariak. Bizenta Mogel bibliotekarekin batera antolatutako Zientziaren Ertzetik hitzaldi zientifikoen zikloaren barruan eskainiko dute ekitaldia.