Durangoko Udalak egindako kirol eskaintzak gero eta harrera hobea duela adierazi dute udal arduradunek. 2024-2025 ikasturterako antolatutako kirol jardueretan 7.275 lagunek parte hartuko dute; hau da, %19,97 handitu da izen ematea, aurreko ikasturteagaz alderatuta.
Udal ordezkariek azaldu dutenez, fitnessak eta eskaladak hazkundea nabarmena izan dute; hurren hurren, 1.586 eta 1.083 pertsonek eman dute izena jarduera horietan parte hartzeko. Strong Zunba, TXR, Gazte-Fit eta Dantza Latinoak eskainiko dira nobedade moduan, eta horrek izen-emateen igoeran eragin duela nabarmendu dute. Udalak zerbitzuak eta azpiegiturak "hobetzen" jarraituko duela gaineratu dute, "herritarrei kalitatezko zerbitzu anitza eskaintzeko".