Mañaria erreka garbitzera dei egin dute Durangoko Udalak, Jai Batzordeak, eta, Auzo Alai, Juan de Iciar, Ourdaiby, Marisatsa, eta Ehiza eta Arrantza elkarteak. Domekarako egin dute hitzordua Pinondo Etxean, 10:00etan. Ibaiko hainbat gunetan pilatutako hondakinak batuko dituzte, 13:00ak arte iraungo duen jardunaldian.
Antolatzaileek eskularruak, salabardoak, pintzak eta zabor-poltsak eskainiko dizkie hurbiltzen direnei.
Hala ere, arropa eta oinetako egokiak ekartzea gomendatu dute. Udalak ekimenean parte hartzera deitu ditu herritarrak.