Durangoko hainbat kaleko asfaltoa konponduko du udalak. Horretarako lizitazio prozedura zabaldu dute, 99.725 euroko aurrekontuagaz. Lanak gehienez lau hilabete irautea aurreikusi dute.
Errodadura geruza lehengoratuko dute honeko kale hauetan: Arripausuetako auzuneko erreian; San Agustinalde kalearen zati batean; Landako etorbidean, Gallandan eta Untzillatx kaleko zuloetan; Txatxiena kalean; Sasikoa kaleko zati batean; eta Askatasun eta Alluitz kaleko biribilgunean. Gainera, Alluitz kaleko 2. zenbakian dagoen aparkalekuaren sarrera egingo da asfalto inprimatuarekin.
Bestalde, abiadura murrizteko pasabide goratuak jarriko dira.
"Udalak bide-azpiegituraren etengabeko hobekuntzarekin konprometituta jarraitzen du, udalerriko kaleak egoiliar eta bisitari guztien ongizate eta segurtasunerako baldintza ezin hobeetan mantentzen direla ziurtatuz", azaldu dute ohar batean.