DOPAk ohar bidez azaldu duenez, honako alderdi hauek erantzun diete galderei: "EH Bildu, PSE-EE, Por Un Mundo Más Justo, PACMA, Izan Auzokrazia eta Elkarrekin Podemos". Gaineratu dutenez, "jasotako erantzun guztiek osasun publikoa defendatzen dute eta hobekuntzak proposatzen dituzte Osakidetzaren maila orokorrean. Guztiek jasotzen dute lehen mailako arreta, osasun mentalaren arreta eta espezialitateak indartzeko beharra, bai eta osasunerako aurrekontua handitzeko beharra ere". Dena dela, erantzunak "oso orokorrak" izan direla iritzi dio DOPAk, "zehaztasun gutxikoak edo batere zehaztu gabeak".
Plataformak zehaztu du honako proposamen hauek egin dituztela alderdi politikoek: Durangon arratsaldeetan eta jaiegunetan pediatriako larrialdi zerbitzua ezartzeko beharrizana aztertzea eta aunbulantzia medikalizatua ipintzea Durangaldean (EH Bildu); "Eskualdean anbulantzia medikalizatu bat behar den aztertzea, itxaron zerrendak murriztea eta osasun mentalaren eremuetarako sarbide eraginkorra ahalbidetzea (PSE-EE), eta Durangon ospitale bat egitea (Elkarrekin Podemos).