Udal eta foru hauteskundeak

Garrastatxuk "12 konpromiso" zehatz bete gura ditu legegintzaldi berriaren "lehen 100 egunetan"

Durangoko EH Bilduk dio alkategaiak "12 konpromisorekin" osaturiko "kontratua sinatu" duela durangarrekin. 

Honako hauek dira Durangoko EH Bilduk, gobernua mantenduko balu, legegintzaldiko lehen 100 egunetan martxan ipini gura dituen "konpromisoak":

  1. Osasun sailburuari deitzea, Durangoko osasungintzaren "egoera tamalgarria" azaltzeko eta "neurri zehatzak har ditzan lan mahai bat eskatzeko".
  2. Antso Estegiz, Muruetatorre eta Madalenako obrak hastea.
  3. Merkatu berrirako proiektua jaso eta obrak lehiaketara ateratzea.
  4. Trenaren trazatu zaharra berreskuratzeko obrak lizitatzera ateratzea
  5. Indarkeria matxistaren kontrako programa berria martxan jarri
  6. 750 eguzki plaka ipintzea udal eraikinetan.
  7. Durango osoan LED argiak izateko obrak martxan jartzea.
  8. Komunitate energetikoak martxan jartzeko lehen urratsak ematea.
  9. Udalak jabetzan dituen 16 etxebizitza alokairuan ateratzea.
  10. Gernikako Udalarekin lan mahaia sortzea bi herrien kooperazio historikoan
    sakontzeko.
  11. Correos eraikina kultur etxe bihurtzeko proiektua bukatuta izatea
  12. San Inazioko haur parkea estaltzea
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!