Honako hauek dira Ima Garrastatxu buru duen zerrendak aurkeztutako "zortzi konpromisoak".
- Herriarekin gobernatzea. Herritarren txartela eta Ataria ipini gura dituzte martxan, besteak beste.
- Durango "berreskuratu" gura dute herritarrentzat. Ezkurdiko frontoia edo Andra Mariko elizpea berritzeko lanekin egin bezala, ondarea berreskuratzen jarraitu gura dute.
- Auzoetako bizimodua indartu gura dute jaiak, jolas egunak eta elkarteentzako espazioak eskainita.
- "Herri aktibo eta gozagarria" aldarrikatu dute, kultur eskaintza eta tokiko merkataritzaren aldeko apustua eginda.
- Eskubide sozialak defendatzeko asmoa agertu dute, adibidez, etxebizitza eskuragarria eta alokairu soziala sutatuta. Zerbitzu publikoak indartu eta zaintzaren diagnostikoa egin gura dute.
- Aurreiritziak albo batera utzita herritarren arteko elkar ezagutza sustatu gura dute indarkeriarik eta diskriminaziorik gabe.
- Energia berriztagarriak sustatu gura dituzte. Baita mugikortasun jasangarria ere.
- Herri feminista eta berdintasunaren aldekoa landu gura dute.