"Espazio hori guztia egungo Barne Erreformako Plan Bereziaren bidetik berreskuratuz aurrera egiteko aukera azpimarratu nahi dugu, trenbide-trazadura bide berde bihurtzetik hasita. Aukera bikaina da etorkizuneko Durangoren garapenaren oinarriak ezartzeko. Bertan, EAJk proposatzen duen Osasun Zentroa-Ospitalea dago eta gure esku dagoen guztia egingo dugu errealitate bat izan dadin", azaldu du Mireia Elkoroiribe bozeramaile jeltzaleak ohar baten bidez.
EAJren arabera, trazaduaren berreskuratze proiektua 2014an diseinatu zuen garai hartan EAJk gobernatzen zuen Durangoko Udalak, eta "EH Bilduk eta Herriaren Eskubidea-Podemosek bi prozesu judizialen bidez geldiarazi zutela gogoratu du. "Plan hori Bigarren Hezkuntzako 174 ikasleren parte hartzearein egin zen, eta herri txiki eta ertainen irakurkortasunerako Conama sarietan parte hartu zuen. Trenbidearen trazadura korridore berde bat sortuz berreskuratuko litzateke, espazio publikoen balioa azpimarratuz. Oinezkoentzako pasealeku bat, eta bizikletentzako beste bat, landaredia, zuhaitz, berdegune eta urmaelekin lagunduta".