'Entzunez Eraiki' dinamikaren baitan Durangoko EAJk informazio-kanpaina antolatu du trenaren lurretan gauzatuko den proiektuari buruz informatzeko. Alderdi jeltzaletik jakitera eman dutenez, informazioa eman eta durangarren iritziak eta proposamenak entzuteko izango da.
"Entzunez Eraiki Durangon ere abian jarri den entzute aktibo prozesua da. Euskadiren eta Durangoren etorkizuneko proiektua modu partekatuan eraikitzea helburu izanik", azaldu du Izaskun Urienek, Durangoko EAJko kideak.