Barrenean Amets Arzallus bertsolariaren testu bat darama eta herri bakoitzak bere adierazpena sartzen du kutxa barruan, hurrengo udalerrira joan aurretik. Gaur Larrabetzuko ordezkariek ekarri dute Kutxa Bira Durangora, eta durangarrek Urkabustaizko (Araba) herritarrei helarazi diete behin saioa amaituta. Egitasmoaren sustatzailea Iparra Hegoa elkartea da.