Apurka-apurka Durangoko galdeketak bide erdia egin du. Eguerdi aldera ilara luzeak sortu dira hainbat mahaitan botoa emateko. Durangoko Udalak 14:00ak arteko parte hartzearen datua eman du: eguerdira arte %14,25ekoa izan da. Janire Sanz udaleko langileak eman ditu datuak Landako Gunean bertan.
Landako Guneak 20:00ak arte ateak zabalik izango ditu durangarrek botoa eman ahal izateko. Udalak 18:00etan berriro emango du ordu horretara arteko parte hartze datua.
