Durangoko Udala Euskaraldian ari da parte hartzen, "modu kolektiboan hizkuntza ohiturak aldatzeko konpromisoa" hartuta. 43 Arigune osatu dira udalaren beraren, eta haren bueltako entitateen artean. Musika Eskola, Astarloa kulturgintza, Durangoko Kirolak edo Udal euskaltegia daude horien artean, adibidez.
Udalak jakinarazi duenez, udal barruko "lankideekin euskara gehiago egingo da taldean; kanpo ariguneetan, berriz, herritarrei begirako harrera euskaraz eskainiko" dute. "Ahobizi edo Belarriprest bat egongo da harrera-lekuan", azaldu du udalak.
Euskaraldian parte hartzeko izena emateko epea azaroaren 24an bukatuko da. Udalak bertan izena ematera deitu ditu herritarrak.