Udal arduradunek prentsa oharrean azaldu dutenez, "egun oso garrantzitsua da gaurkoa durangarrontzako". Era berean, udalak eskerrak eman dizkie galdeketa bultzatu duten herritarrei, batez ere, Erabaki plataforma herritarrari. "Gai honen inguruan durangarrei hitza emango geniela esan genuen gobernura iritsi ginenean, eta dagoeneko eguna zehaztu dugu”, adierazi dute gobernu taldeko kideek.
Asteazken honetan Osoko Bilkuran onartuko den protokoloan zehaztuko dira galdeketaren inguruko xehetasunak, hala nola, bozkalekua, bozkatzeko prozedura, kanpainaren epeak, eta abar.