"Kezkatuta gaude gobernu taldearen aldetik Durangoko Kirolakek eskainitako zerbitzuan %46rainoko murrizketa gauzatzeko hartutako erabakiarekin. Kirol-programazioaren murrizketa garrantzitsu honek atzerako urrats bat adierazten du , eta agerian uzten du egungo gobernu-taldeak garrantzi gutxi ematen diola kirolari eta jarduera fisikoari", adierazi dute talde jeltzaleko kideek.
Horrez gain, hori ez da taldea jeltzalea kezkatzen duen kontu bakarra. Hauen ustez, erakunde autonomoetako kudeatzaile-postua betetzea ezinbestekoa da, "figura horrek instalazio guztietako jarduerak koordinatzen baititu". Bestalde, murrizketa horiek enpleguan eragina izan dezaketela eta gobernu taldeak "kirolean inbertitu" baino gurago duela "beste arlo batzuetara diru hori bideratu" kritikatu dute.