Deseskaladaren fase aldaketarekin batera, Durangoko Bizenta Mogel Bibliotekak espazio berriak irekitzeko aukera du gaurtik aurrera. Esaterako, segurtasun neurriak errespetatuz, erabiltzaileek bildumetara joateko aukera izango dute, eta etxera eraman nahi duten materiala kontsultatu eta aukeratu ahal izango dute. Gainera, ikasgelak ere irekiko dituzte. Udaletik jakitera eman dutenez, maskara eta gelak erabiltzea derrigorrezkoa izango da.
Aforo mugatua:
- Haurtxoteka: 19 pertsona (espazioan, bi metroko distantzia mantenduz, egon daitekeen pertsona kopurua).
- Gazte Biblioteka: 19 pertsona (espazioan, bi metroko distantzia mantenduz, egon daitekeen pertsona kopurua).
- 1. solairua: 50 pertsona (espazioan, bi metroko distantzia mantenduz, egon daitekeen pertsona kopurua).
- 2. solairua: 16 pertsona (ikasteko postuak dira).
- 3. solairuko 1. gela: 8 pertsona (ikasteko postuak dira).
- 3. solairuko 2. gela: 26 pertsona (ikasteko postuak dira).
- 3. solairuko 3. gela: 7 pertsona (ikasteko postuak dira).