'Atera bidera. Orain presoak' lelopean, dozenaka lagun irten dira kalera euriari eta hotzari aurre eginez; Ezkurdin hasi, Durangoko alde zaharra zeharkatu, Ezkurdira itzuli eta argazki bat atera ostean amaitu da mobilizazioa.
Euskal presoei ezartzen zaizkien "salbuespen neurriak indargabetzeko" eskatu da mobilizazioan, presoak etxeratzeko oihuen artean. Horrez gainera, urtarrilaren 11n Bilbon eta Baionan egitekoak diren manifestazioetan parte hartzeko deia luzatu diete bertaratutakoei. "Erronka erraldoi horretan parte hartzea dagokigu guztioi, konponbidearen, elkarbizitzaren eta preso, iheslari eta deportaturik gabeko herri baten alde. Orain ez bada, noiz egingo dugu?" adierazi dute.