Arrakasta borobila izan du Durangoko mintzodromoak

Guztira 150 bat lagun batu ziren atzo Plateruenean, euskara praktikatu eta euskaraz bizitzeko lanetan sakontzeko. "Oso positiboa izan da atzokoa", azaldu du Irati Anakabe Durangaldeko Berbalagunen koordinatzaileak. "110 bat lagun" batu ziren atzo goizean, Durangoko Plateruenean antolatutako mintzodromoan, eta beste 35 inguru egon ziren arratsaldean. "Askotariko adina eta iritzia dutenen topaleku" izan da, eta "azken finean, euskarak batzen gaituela erakusten du", azaldu du Anakabek.

Iurretako Juan Orobiogoitia ikastetxeko ikasleak, eta, Durangoko Ibaizabal, Jesuitak eta Fray Juan Zumarraga institutuko ikasleak ere bertaratu ziren goizean.

 

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.