Durango Rugby Taldea: 30 urteko ibilbidearen hasiera

Durango Rugby Taldeko emakumeen taldeak 30 urte egin ditu aurten. Aste honetako argazkia 1989koa da, hasiera hartan taldea osatu zuten jokalariena. Goretti Etxegibel izan zen talde haren lehenengo entrenatzailea. Jokalari ere aritu zen. Etxegibelek Madrilen ikasten zebilela deskubritu zuen errugbia.

Durangora bueltan, su txikitan sortzen ari zen taldearen berri izan eta bertara batzea erabaki zuen. 15etik 17 urtera bitarteko 20 bat jokalarigaz hasi zuten lehenengo denboraldia. "Orduan dena ikasteko geneukan", gogoratu du Goretti Etxegibelek.

Urteurrena ospatzeko, 30 urte hauetan taldeko jokalari izan diren beteranoen topaketa egin zuten joan zen asteburuan, eta euren arteko partidu bat jokatu zuten Arripausuetan.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.