Durangoko merkatu plaza, Zubiaurretarren begietan

Markel Onaindia 2019ko eka. 25a, 13:19

Durangoko merkatu plazak tradizio historikoa du. Gaur egun eraikin bat eduki arren salmentarako, saltzaileak Andra Marian egoten ziren sasoi batean. Adibidez, 1937ko bonbardaketa egunean merkatua zegoen Andra Marian.

1901ean Zubiaurre anaiek Photographien albumean argitaratutako argazki honek erakusten duenez, Andra Maria basilikaren inguruetan jende ugari batzen zen baserriko produktuak erosteko. Garain jaiotako anaia artistek une hori betikotu zuten, saltzaileak kamerari zuzen-zuzenean begira zeudela. 

Ramon eta Valentin Zubiaurre anaiak euren margolanengatik egin ziren ezagun, baina argazkiak eta filmak ere egin zituzten. Horietako asko Bilboko Arte Ederren Museoan daude ikusgai, eta sorta bat Garaiko Elizabarrin ere bai asteburuetan.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!