Plataformak dio "esperantzaz" hartzen duela zapatuan Durangon eman daitekeen aldaketa. Hauteskundeak EAJk irabazi arren, EH Bilduk eta Herriaren Eskubideak gobernua gehiengo osoz eratzeko aukera daukate.
Erabakik udaleko agintariekin "ahalik eta arinen" batzartzea eskatuko du, eta Espainiako Gobernuaren ministro kontseiluari galdeketa egiteko baimena eskatzea proposatuko du. Izan ere, baimen horren tramitea hiru hilez luzatu ahal da. Beharrezko sinadurak batuta, duela sei hile onartu zen galdeketaren prozesuari ekitea, baina oraindik ez da kontsultarako datarik zehaztu.