Egitarauari hasiera,12:30ean, emango diote bertso-poteo musikatuarekin. 15:00etan, bazkari herrikoia egingo dute Plateruenean. Bazkalostean, urteurreneko ekitaldia eta Durangoko hainbat sortzailek sortutako Ez gara menpeko perpausa ikuskizuna egongo da. Egunari amaiera Txirimoya Soundek girotutako poteoarekin emango diote. Berbaroko kideek jakitera eman dutenez, dagoeneko bazkarirako sarrerak salgai daude Plateruenean eta Anttonio´s tabernan.
Aurretik, berriz, hainbat ekintza egongo dira. Maiatzaren 12ean, esaterako Erradikalak gara ikuskizuna izango da Plateruenan 20:00etatik aurrera. Biharamunean, 17:00etan Txoborro magoa egongo da kafe antzokian.
