16.000 bisitari izan ditu Durangoko Aukera Azokak

Dendak Baik antolatzen duen azoka joan zen asteburuan ospatu zen Landako Gunean. Elkartearen esanetan, erosketetarako "leku garrantzitsu" izaten jarraitzen du.

Aurten 16.000 bisitari izan dituzte, iaz baino 4.000 gutxiago. Elkarteak adierazi du barikuan igarri zutela beherakada; beraz, martxoaren 8ko grebak eragina eduki zuen. Hala ere, parte hartu zuten 31 merkatariak asebeteta geratu direla dio Dendak Baik. "Durangarren eta eskualdeko beste herri batzuetako auzokideen egutegietan bere lekua duen ekitaldi bat dela esan daiteke". 

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.