Ertzainek manifestazioa egin dute Durangon lan baldintza hobeak eskatzeko, eta Ertzaintzan "kaosa" dagoela diote

ERNE eta ESAN sindikatuek deituta 50 bat ertzainek protesta egin dute gaur goizean Durangon. Komisaria aurrean hasi, eta udaletxeraino joan dira manifestazioan. Azaldu dute erkidegoan 7.300 ertzain daudela 8.000 behar direnean, eta horrek lan baldintzetan zein herritarren segurtasunean eragiten duela.

Barne sailak garatutako azken planak "porrot" egin duela diote, eta negoziazioa eskatu dute. Ikerketa atala "txiki-txiki" eginda dagoela ohartarazi dute, eta hiri segurtasuneko lan taldeak ere "maila oso baxuan" daudela. Euren arabera, "Ertzaintzan inoiz ez da gertatu halakorik". 

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.