Dendak Bai elkarteak eta Asepeyok hitzarmena sinatu dute, merkatari autonomoei formazioa emateko

Dendak Bai elkarteak eta Asepeyok hitzarmena sinatu dute, merkatari autonomoei formazioa emateko
Ezkerreti hasitak, Igor Sota eta Alex Palacios.

Aurten praktikan jarri den lege aldaketa baten eraginez, langile autonomoak gizarte segurantzan barik mutuetan artatu behar dituzte lan istripuak edota gaixotasunak edukitzean. Horregatik, formazioa jasotzeko ikastaroak egingo dituzte elkarlanean.

Asepeyok Durangon duen zentroko zuzendari Igor Sotak azaldu du orientazioa eta aholkularitza jorratuko dituztela merkatari autonomoekin. Dendak Baigaz sinatutako akordio honek, "Asepeyok tokiko agenteekin duen konpromisoa" erakusten duela uste du.

Dendak Baiko presidente Alex Palaciosek esan du sarritan "autonomoak ahaztu" egiten ditugula, eta hitzarmena hori saihestera datorrela.