Bestalde, eguaztenean, otsailaren 27an, auzo bilera egingo dute Murueta Torre, Ibaizabal eta Landakoko auzokideekin, 19:00etan Landako Eskolan. Auzo bileran, aurreko asanbladetan jasotako arazoei irtenbideak eman eta herri programan txertatzeko proposamenak landuko dira.
Herritarren ekarpenak, ardurak eta ideiak jasotzeko asmoz deitutako auzo asanbladan, aparkaleku faltaz, LESAren erabileraz, auzorako espazioez eta berdegune berriez hitz egingo dute, besteak beste.